Димитриевски: Многу сум среќен за новиот успех со Македонија, а ова е мојот најдобар старт на една сезона

Македонскиот голман Столе Димитриевски се врати во Рајо после изборениот мундијалски бараж со Македонија.

На Рајо му оди одлично во Примера и се наоѓаат на шестата позиција. Димитриевски е еден од најдобрите поединци на овој тим, а посебно се истакна со одбранетиот пенал против Барселона, натпревар после кој Роналд Куман доби отказ.

„Се вратив мирен и среќен, со две победи и осум постигнати гола, а само еден примен. Навистина овој нов успех со Македонија ме прави среќа. Сега моето внимание е насочено кон Мајорка, имаме самодоверба и треба така да продолжиме“.

Нема дилеми дека ова е неговиот најдобар старт.

„Се надминав, но секако дека простор за напредок има. Без дилеми ова е најдобриот мој старт во сезоната. Тимот е добар, атмосферата е одлична и се оди добро. Можеби никој не очекуваше ваов почеток, меѓутоа треба да освојуваме уште бодови“, порача македонскиот голман.