Поранешниот голгетер е прв кандидат за клупата на Пењарол.
Диего Форлан ја заврши кариерата и го чека само уште прошталниот натпревар во неговиот роден Уругвај, но нема да остане долго време надвор од теренот. Диего Форлан планира веднаш да се впушти во тренерските води.
Александар Вучковски - сомелиер: Како македонските вина го освојуваат светот? ↓↓↓
И тоа веќе има повик. Големиот Пењарол, најголемиот уругвајски и еден од најголемите јужноамерикански клубови ја разгледува можноста Форлан да го постави за главен на стручниот штаб.
Тековната сезона се заврши неуспешно за клубот бидејќи најголемиот ривал Национал им ја освои титулата „пред носот“.
Форлан порача дека е спремен.
„Знам дека немам искуство, но сум спремен. Би бил пресреќен ако добијам прилика да го водам Пењарол. Има и други кандидати кои се квалитетни и мораат да се земат во предвид. За мене би било спектакуларно на тој начин да ја започнам кариерата“, изјави Форлан.
Учество во игри на среќа е дозволено за лица со 18+ години. Играј одговорно!