Диего Коста добил понуда од Серија А?

Поранешниот репрезентативец на Шпанија Диего Коста добил понуда да заигра во италијанската Серија А.

Според информациите на италијанските медиуми Салернитана која се бори за опстанок во Серија А би можела да испрати понуда за Коста. На Салернитана и се потребни играчи кои можат веднаш да помогнат затоа што клубот не се наоѓа во добра ситуација. Коста во последните шест месеци беше дел од Атлетико Минеиро.

Коста имал понуда и од Коринтијас, но наводно негова желба е да се врати во Европа и кариерата да ја заврши во најсилните првенства.

Претходно како опција за нападот на Салернитана се поврзуваше и македонскиот напаѓач Илија Несторовски.