Дерби на денот: Манчестер Јунајтед – Барселона, Каталонците се фаворити, но …

Еден од најпривлечните дуели во ¼ финалето на Лигата на Шампиони е натпреварот меѓу Манчестер Јунајтед и Барселона. Барса е фаворит за прогрес во следната фаза, но офанзивниот пристап на Солскер, може да е меч со две острици и за каталонците и за домаќините.

Ќе може ли Солскер да се врати на победите против Барса

Ретко може да се добие одмор од осум дена при крајот на сезоната и нема сомнеж дека мини паузата дојде во најдобро време за Манчестер Јунајтед. Моментумот кој го изгради Оле Гунар Солскер за време на првите месеци на тренерската позиција може да биде пресуден во овој двомеч. Сепак, по одличните изданија се појавија и ппрвите проблеми во тимот предводен од норвежанецот. На последните 4 натпревари, Јунајтед има три порази и една победа и тоа над Ватфорд. Поразите дојдоа од Арсенал и два пати од Вулверхемптон, еднаш во лигата и еднаш во Купот. Ќе биде интересно да се види како ќе реагира Солскер на оваа црна серија. Токму овој меч со Барса може да покаже дали тој може да го замени Фергусон на доследен начин, или не.

Многу нешта зависат од тоа дали Рашфорд ќе биде спремен

Солскер се надева дека Маркус Рашфорд е доволно подготвен за да се врати во нападот по повредата. Токму неговиот настап може да донесе поголеми шанси за тимот. Не би било изненадување тој да игра заедно со Ромелу Лукаку како повторување на системот кој одлично функционираше против Париз Сен Жермен. Немања Матиќ, исто така, може да очекува да влезе во почетниот состав. Но големото прашање за Јунајтед е врзано за Пол Погба. Прашањето е дали тој повторно може да ја врати блескавата форма што ја покажа на почетокот од доаѓањето на Солскер.

Барса може да дојде до сите титули сезонава

Барселона во одлична форма и атмосфера доаѓа во Манчестер на Олд Трафорд. Тие се најблиску до титулата во Ла Лига, а веќе обезбедија и финале во Купот на Шпанија каде ќе играат против Валенсија. Лигата на Шампиони, за нив може да биде трет трофеј сезонава. Тие се огромни фаворити против Валенсија, а го завршија на некој начин прашањето за титулата во Ла Лига за време на викендот. Го победија Атлетико Мадрид на Камп Ноу. Нивната предност сега е 11 поени, така што Ернесто Валверде сигурно ќе ротира за време на викендот, гарантирајќи свежина за своите фудбалери кога Јунајтед ќе дојде во Барса следната недела.

Меси и Суарез незапирливи сезонава

Постојат многу причини за одбраната на Јунајтед да биде загрижена. Лионел Меси е во одлична форма (кога не е!?). Луис Суарез во последниве неколку месеци ја е се подобар и подобар. Тие двајца имаат постигнато неверојатни 34 гола од почеокот на годината, колку што Јунајтед нема постигнато како тим во целина. Дури и отсуството на Дембеле и променливата форма на Филип Кутињо не изгледаат многу загрижувачки.

Сепак и покрај се Барса си има свои слабости, а како пример можеме да го земеме натпреварот од минатата недела против Виљареал кој заврши 4:4.

Барса е очекувано голем фаворит

Јунајтед и Барселона имаат доста заедничка историја во Лигата на шампионите, а изгледите за пишување на ново историско поглавје се големи. Овој пат Каталоцните се огромни фаворити.

Јунајтед има херојски победи сезонава, како оние против Јувентус и ПСЖ. Сепак тие имаат победено само еден од четирите натпревари во Лигата на шампионите на Олд Трафорд и тоа со 1:0 против Јанг Бојс.

Моменталната форма на Јунајтед, која во најдобар случај е несигурна е уште еден проблем за нив. Се чини дека повредите ја растурија победничката формула во средниот ред и нападот (Андер Херера на пример беше неверојатен но сега е повреден). Јунајтед ќе мора да биде во нивна најдобра форма за да победи против Барса која е фаворит на овој меч