Tимот на Слога Виница кој се натпреварува во Втората лига на Македонија остана без тренер откако оставка си поднесе стратегот Даниел Стојановски.
Стојановски го напушта кормилото на клубот после една победа и три нерешени средби. Слога Виница со таков учинок е претпоследен тим на табелата.
Салах руши рекорди! Викендов две големи дербија во Премиер Лига! ↓↓↓
„Почитувана фудбалска јавност на Виница и пошироко, ве известуваме дека досегашниот шеф на стручен штаб Даниел Стојановски си поднесе оставка. Како клуб сакаме да му искажеме голема благодарност бидејќи истиот во изминатиот период прифати да го води нашиот клуб во овие тешки моменти, и му посакуваме само успеси во иднина како на спортски така и на приватен план“, соопштија од клубот.
Во изјавата Стојановски истакна благодарност за дадената шанса, а заминува преземајќи ја одговорноста за лошите резултати.
„Ја преземам одговорност за лошите резултати и се повлекувам од шеф на стручен штаб. Сакам да му се заблагодарам на раководството за добиената шанса да ја водам ФК Слога 1934 Виница. Благодарност до виничката публика и до фудбалерите за нивниот труд и залагање од сега натаму јас ќе сум ви најверен подржувач. На ФК Слога 1934 Виница му посакувам успех во продолжение од сезоната. Со среќа“, изјави Стојановски.
Учество во игри на среќа е дозволено за лица со 18+ години. Играј одговорно!