Дабл-дабл на Јанис со 42 поени, но Феникс води 2:0! 🎥

Феникс поведе со 2:0 во финалната серија во НБА лигата против Милвоки и направија уште еден чекор напред до титулата.

Санси во овој меч ги совладаа Бакси со убедливи 118:108 и се стекнаа со добра предност. Натпреварот се одлучи во втората четвртина најмногу благодарение на добрата игра на Феникс во одбраната. Првата четвртина заврши со 29:16, меѓутоа во втората Милвоки постигна само 16 поени.

Во еден момент од натпреварот Феникс дојде ид предност од 15 поени разлика.

Девин Букер и во овој натпревар беше најефикасен кај Феникс со 31 постигнат поен, пет скока и шест асистенции. Треба да се спомене дека за 44 минути поминати на паркетот тој не шутираше ниту едно слободно фрлање.

Зад него беше Бриџис со 27 поени, додека Пол постигна 23 поени и подели осум асистенции. Јанис Адетокумбо одигра супер меч и стигна до дабл-дабл со 42 поени и 12 скока.

Од понеделник серијата се сели во Милвоки.