Грузијците тренираа на Арената, со комплетниот ростер влегуваат во натпреварот (ФОТО)

Македонија и Грузија утре ќе се сретнат во рамките од третото коло во Лигата на Нации. Грузија во овој натпревар влегува како лидер на табелата со шест освоени бодови, додека ние сме второпласирани со четири.

Денес Грузијците го имаа и официјалниот тренинг кој го одработија на Арената „Тодор Проески“. Како што најави селекторот Вили Сањол на прес-конференцијата пред овој дуел во овој натпревар влегуваат без проблеми со повреди со комплетниот ростер на располгање.

Натпреварот помеѓу Македонија и Грузија е во терминот од 20:45 часот.