Гризман потпиша за Барселона, но откри на кој друг клуб се восхитува

Најголемото засилување за екипата на Барселона во овој трансфер период сигурно е Антоан Гризман.

Французинот најверојатно ќе го прави напаѓачкото трио со Меси и Суарез, иако се уште се чека расплетот на ситуацијата околу Нејмар. Околку доаѓањето на Бразилецот, како и сите други работи зборуваше Гризман за медиумите во Шпанија.

„Не сакам да зборувам за трансферот на Нејмар се додека не биде остварен. Знам колку е добар играч, но мислам дека и со овој состав можеме многу да направиме“, изјави Гризман.

„Имав понуди и од Англија, но овде имав нешто што ми фали, а тоа е сонцето. За моето семејство е многу подобар животот овде. Морам да признаам дека се восхитувам на Ливерпул, а особено на нивните навивачи. Се надевам дека наскоро ќе ја освојат Премиер лигата“, додаде Гризман.