Во последно време многу се шпекулира со иднината на Един Џеко, а медиумите на Апенините се сигурни дека на крајот на сезоната напаѓачот ќе ја напушти Рома.
Џеко пристигна во Рома во 2015 година од Манчестер Сити и стана еден од најважните фудбалери на „волчицата“. Меѓутоа, Босанецот оваа сезона не игра на своето препознатливо ниво и се погласни се шпекулациите за негово заминување од Рома.
Салах руши рекорди! Викендов две големи дербија во Премиер Лига! ↓↓↓
Италијанските медиуми пренесуваат дека Џеко веќе постигнал договор со премиерлигашот Вест Хем и дека на лето ќе се пресели во Лондон.
33-годишниот напаѓач е заинтересиран да се врати во Премиер лигата и веќе ги договорил личните услови со лондонскиот клуб.
Џеко од Вест Хем побарал плата од 4,5 милиони евра годишно и договор од најмалку две сезони, а „чеканите“ му ги исполниле неговите барања.
Сега останува уште двата клуба да се договорат за отштетата, а Рома за неговата слобода бара 15 милиони евра, со оглед на фактот што неговиот договор истекува следното лето.
Интерес за Џеко покажува и милански Интер, кој во него гледа замена за Икарди, но Вест Хем реагираше побрзо и веќе се договори со Босанецот.
Учество во игри на среќа е дозволено за лица со 18+ години. Играј одговорно!