Готово: Реал ја закажа презентацијата на Азар во понеделник!

Мадридскиот весник „АС“ ексклузивно пренесува дека Реал Мадрид ќе го претстави Еден Азар во понеделник на 3-ти јуни.

Веќе подолго време стигнуваат потврди од сите страни дека „кралевите“ го договориле трансферот на Азар, кој треба да биде првото големо засилување за следната сезона.

Вечерва се игра финалето во Лига Европа, што треба да биде последен натпревар на Азар во дресот на Челзи, а потоа се сели во Мадрид.

Медиумите на Островот утрово пренесоа дека е постигнат комплетен договор и дека Реал за потписот на Азар ќе плати 115 милиони фунти, а Белгоецот во Мадрид ќе заработува 400.000 фунти неделно.

Весникот близок до Реал Мадрид, „АС“, од свои добро упатени извори пренесува дека клубот ќе го претстави Еден Азар на 3 јуни.

Вчера и првиот човек на Реал Мадрид, Флорентино Перез призна дека е оптимист за реализација на трансферот на Еден Азар.

Chelsea have agreed a £115m fee for Eden Hazard, with the Belgian set to sign a £400k-a-week Real Madrid deal. (Source: Sun Sport) pic.twitter.com/I4G4IZxLhr

— Transfer News Live (@DeadlineDayLive) May 29, 2019