Готово: Реал купи уште еден бразилски „вундеркинд“

Младиот бразилски талент и член на шампионскиот тим на Фламенго, Реинер Жесус е на чекор од Реал Мадрид.

Реал продолжува со политиката на купување на млади бразилски таленти, па после Винисиус и Родриго на „Сантиаги Бернабеу“ пристигнува уште еден бразилски „вундеркинд“.

Реинер официјално ќе потпише за Реал на 19-ти јануари кога и ќе наполни 18 години и ќе стане полнолетен. Тој прво би бил дел од младинските категории на Реал или пак оставен во Фламенго уште една сезона.

Реинер важи за еден од најновите таленти на бразилскиот фудбал и му се предвидува светла иднина, а „кралевите“ за неговиот потпис на Фламенго ќе му плати 30 милиони евра.