Дома Фудбал Готово: Мончи има нов ангажман, утре е претставувањето!

Готово: Мончи има нов ангажман, утре е претставувањето!

Поранешниот спортски директор на Рома, Мончи веќе утре ќе биде претставен во новиот клуб.

Експертот за трансфери ја заврши соработката со Рома откако во согласност со клубот го раскина договорот, а после неговото заминување клубот го напушти и Еусебио Ди Франческо.

Многу се шпекулираше дека ќе ја превземе функцијата спортски директор во Арсенал, но тоа не се случи.

Вчера во медиумите се појави вест дека Мончи ќе се врати во Севиља и тоа веќе е сигурно – утре тој ќе биде претставен пред медиумите.

Денес сите поголеми шпански медиуми меѓу кои се реномираните „АС“ и „Марка“ ојбавија дека Мончи утре ќе биде претставен во Шпанија.

Мончи важи за вистинска икона на Севиља. Како играч во овој клуб ја помина целата своја кариера, а потоа во 2000 година стана спортски директор и таа функција ја извршуваше до 2017 кога премина во Рома.

Во Севиља се стекна со епитетот вистински гуру за трансфери оствари во голем број маестрални зделки и освен успехот на клубот, донесе и одлична заработка.

Поради тоа Италијанците од него очекуваа многу и се надеваа дека може да им помогне во реконструкцијата на тимот и ставање крај на доминацијата на Јувентус. Меѓутоа тоа не се случи и голем број навивачи на Рома се незадоволни од неговата трансфер политика.

Коментари
Прочитајте поврзани статии
Load More In Фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…