Готово: Гатузо го доби првото засилување

Наполи, според пишувањата на италијанските медиуми, го обезбеди првото засилување за вториот дел од сезоната.

Наполи одигра под очекувањата во првиот дел од сезоната, па заостанува цели 18 бода зад водечкиот тандем Интер-Јувентус, но нема сомнеж дека јануари ќе донесе големи промени во соблекувалната.

Италијанските медиуми тврдат дека Наполи го договори првото зимско засилување, а станува збор за Станислав Лоботка, кој во наредните денови ќе потпише петгодишен договор со италијанскиот клуб.

За овој 25-годишен играч за врска Наполи на Селта ќе и плати 18 милиони евра, а Словакот по сезона ќе заработува 1.8 милиони евра.

Во текот на својата кариера, Лоботка покрај за Селта, играше уште за Нордселанд, Тренчин и вториот тим на Ајакс.