Чуварот на мрежата на Милан, Мајк Мењон не се откажува од желбата да настапи на Светското првенство.
Најдобриот голман во Серија А за минатата сезона ја обнови повредата која ја заработи за време на Лигата на Нации. Францускиот голман повторно се соочува со проблем на мускулот на ногата, а првичните информации беа дека ќе паузира до крајот на годината.
Иако тренерот на Милан Стефано Пиоли најави дека Мењон ќе биде подготвен за настап дури во јануари, сепак голманот има друга идеја. Последните информации се дека заминал на терапија во Франција на нов третман и докторите на репрезентацијата ќе направат се за тој да не го пропушти Мундијалот.
Светското првенство стартува за помалку од еден месец (20. ноември), па затоа докторите ќе имаат тешка задача да го подготват Мењон.
Учество во игри на среќа е дозволено за лица со 18+ години. Играј одговорно!