По пласманот во групната фаза во ЛЕ и дознавањето на противниците во истата, заменик капитенот на Вардаровиот состав, Никола Глигоров потенцира дека противниците се тешки, но дека тимот е мотивиран да го даде својот максумум и да се претстави во најдобро светло.
„Противниците напоротив од многуте мислења, се атрактивни. Зенит е екипа која постојано е во групната фаза од ЛШ, Реал Сосијдедад пак, на домашен терен тешко кој може да ја добие. Кога станува збор за Розенборг да се потсетиме го елиминираше Ајакс. Ова е нешто ново за нас, но на секој меч ќе влеземе максимално мотивирани. Ако работиме и имаме дисциплина, сметам дека екипата може да дојде до поволни резултати. Цели нема да наметнуваме бидејќи сме дебитанти и не би се заканувале. Но, можеме да ветиме безпоштедна борба до последната минута од секој меч и секој од тимот ќе го даде својот максимум, да го претставиме клубот најдобро на меѓународната сцена“, истакна Глигоров.
Кој ќе тепа на Ел Класико!? ↓↓↓
За Глигоров е ова среќен момент кој ќе им овозможи на него и неговите соиграчи да играат во групната фаза од ова натпреварување со клубот на неговиот живот.
„Да се биде дел од ЛЕ со некој клуб е една работа,но да си таму со првата фудбалска љубов и клубот на твојот живот е нешто сосема поинаку. Ова не се опишува. Пресреќен сум што постојано добиваме позитивни критики и Скопје го кренавме на нозе. За само два дена вреден за пофалба е и шефот на стручниот штаб кој одлично не подготви за Фенербахче. И уште еднаш ќе кажам, резултат од 4:1 не може да биде победа на среќа“, заклучи Глигоров.
Учество во игри на среќа е дозволено за лица со 18+ години. Играј одговорно!