Гигс откри како се запознал со Ван Гал: Ако му вратев веројатно ќе добиев отказ

Рајан Гигс целата своја кариера ја помина во Манчестер Јуанјтед, а едно време работеше и во стручниот штаб на популарните „црвени ѓаволи“.

Гигс на клупата соработуваше со легендарниот Луис Ван Гал кој го ангажираше како помошник.

Некогаш одличното лево крило гостуваше во емисијата на Џејми Карагер и откри дека на првиот состанок со Ван Гал добил удар во стомак.

„Отидов во хотел да се запознаеме, кога стигнавме, отвори врата, ме погледна и ми кажа дека добро изгледам, а потоам ме удри во стомак. Не знаев што да направам. Можев да му вратам со иста мера, но тоа веројатно ќе значеше отказ“, изјави Гигс.

Без оглед на чудниот начин на запознавање Гигс го пофали Ван Гал зборувајќи дека внимавал на своите асистенти и дека е добар човек.