Гвардиола ја „краде“ најголемата желба на Лампард

Левиот бек на Лестер Бен Чилвел, е голема желба на Челзи, а сега во трката за неговиот потпис се приклучи и Манчестер Сити.

Пеп Гвардиола ќе се обиде да му го „украде“ Чилвел пред нос на тимот на Челзи, бидејќи левата бековска позиција ќе биде приоритет за „граѓаните“.

Но, трансферот воопшто нема да биде ефтин, бидејќи се проценува дека Чилвел има поголема вредност од Магваер, за кој минато лето Манчестер Јунајтед плати 87 милиони евра.

Тоа беше највисоката сума платена за еден дефанзивец во историјата на фудбалот, а ако го сака Чилвел, Пеп ќе мора да го сруши рекордот.