Гвардиола: Размислував да се пензионирам, но…

Тренерот на Манчестер Сити, Пеп Гвардиола пред медиумите призна дека размислувал да ја заврши тренерската кариера, но се предомислил.

Шпанецот ќе наполни 50 години на средина на месецов, а веќе долго време е еден од најдобрите тренери во светот.

Кариерата ја започна во Барселона, каде испиша историја, потоа го водеше Баерн Минхен, а сега е на кормилото на Сити.

„Со тек на годините станав подобар. Искуствата ми помогнаа многу за да напредувам. Мислев дека ќе ја завршам кариерата, но се предомислив. Наскоро ќе наполнам 50 години“, кажа Гвардиола.