Гвардиола призна дека сака да биде селектор, медиумите шпекулираат и на која репрезентација

Пеп Гвардиола има договор со Манчестер Сити до јуни 2025 година и засега не е познато дали истиот ќе биде продолжен. Секако би било интересно доколку заминува да се види каде Пеп ќе продолжи.

На новинарите, Гвардиола сега им откри дека има желба во иднина да биде селектор на некоја репрезентација.

„Работата како селектор ме привлекува. Мислам дека имам квалитет да предводам репрезентација, но не знам кога би се случило тоа. Имам договор со Манчестер сити до 2025 година, сите опции се отворени“, кажа Гвардиола.

Шпанските медиуми веќе шпекулираат дека тој би можел да седне на клупата на „Црвената фурија“ по Светското првенство во 2026 година. Токму вчера федерацијата го потврди продолжувањето на договорот на селекторот Де Ла Фуенте до крајот на тој Мундијал.