Гвардиола добива понуда која не ќе може да ја одбие?

ЦАС (Судот за спортска арбитража) ја прифати жалбата на Манчестер Сити кој беше исфрлен од европските натпреварувања, па „граѓаните“ и наредната сезона ќе бидат дел од елитата.

Токму оваа одлука на ЦАС ќе се обидат да ја искористат челниците на Манчестер Сити за да го убедат Гвардиола кој влезе во последната година од договорот да потпише продолжување на соработката.

Наводно сега челниците на клубот се спремни да му понудат на Гвардиола нов богат договор. Инаку, Шпанецот според актуелниот договор со Сити заработува дури 20 милиони фунти годишно.

Освен што ќе игра во ЛШ Сити со оваа одлука сигурно ќе спречи заминување на голем број играчи, нешто што беше реална можност ако одлуката останеше на сила.