Анте Гаџа е еден од ракометарите кои го засилија Вардар за новата сезона.
Пред саботниот натпревар против Нексе во СЕХА лигата Гаџа даде интервју за интернет страницата на ова натпреварување.
Кој ќе биде новиот шампион, Сити или Арсенал? ↓↓↓
„Вардар е европски шампион и тоа е предизвик за мене. Во Македонија ракометот е многу популарен и затоа едвај чекам да играм пред полна сала. Преминувањето во Вардар е чекор напред во мојата кариера. Свесен сум дека во Вардар играа играчи од светска класа на мојата позиција и нема да биде лесно да ги наследам, соиграчите се тука да ми помогнат“, изјави Гаџа.
Вардар од првиот натпревар одигран во Нашице има предност од 30:31.
„Имаме предност, но не е многу голема. Нексе направи промени и тоа е нивна предност. Сакаме да стигнеме до Ф4 и да се бориме за трофејот. Тешко е да се предвиди кој ќе биде шампион, најважно е да играме во Задар“, заврши засилувањето на Вардар.