Галијани ги коментираше најавите дека Икарди може да потпише за Монца

Подолго време Мауро Икарди се поврзуваше со трансфер во редовите на Монца, но засега тој трансфер не се реализирал и како што стојат работите нема да се реализира.

Монца веќе донесе 13 засилувања во овој преоден рок, а Икарди сигурно нема да биде нивно ново име. Тоа го потврди директорот на клубот, Адријано Галијани.

„Нема да го доведеме Икарди, запаметете ги моите зборови нема шанси. Не ни е потребен друг напаѓач после Андреа Петања“, изјави Галијани.

Петања беше последното засилување за Монца кое пристигна од Наполи.