„Гакпо погреши, избрза со трансферот во Ливерпул“

Искусниот стратег Роналд Куман смета дека неговиот сонародник, Коди Гакпо избрзал со трансферот во Премиер лигата и сега ја плаќа цената на својот потег.

Гакпо одигра одлично Светско првенство и веднаш по завршувањето се пресели во Ливерпул каде што се вклопи во сивилото на „црвените“ кои играат слаба сезона. Според Куман, Гакпо требало да почека.

„Коди се пресели во екипа на која не и оди најдобро оваа сезона. Тешко е за млад фудбалер ако не постигнуваш голови и твојот тим не победува. Верувам дека поинаку ќе беше ако беше повозрасен и поискусен“.

„Тешка е адаптацијата за младите фудбалери, Премиер лигата е на многу повисоко ниво од холандската, Тоа што му се случи на Гакпо, му се случува и на Гравенберх во Баерн Минхен каде што има мала минутажа. Таква ситуација за млад фудбалер е тешка“, изјави Куман.