Газдата на ПСЖ: Ќе се вратиме посилни и ќе ја освоиме Лигата на шампионите

Во екипата на ПСЖ вложени се многу пари. Со доминацијата во Франција нема проблем, но Лигата на шампионите се уште е сон за богатите сопственици.

Оваа година ПСЖ дојде најблиску, играше финале, но Баерн ги победи со 1:0.

Разочаран од поразот беше и сопственикот на ПСЖ, Насер Ал Келаифи.

„Тажни сме. Не забораваме дека оваа сезона направивме големи работи. Во финалето изгубивме 1:0, но можевме да постигнеме два или три гола. Бевме блиску. Горд сум на нашите играчи, имавме одлична сезона, одигравме супер турнир. Имавме се што е потребно и да победиме на крајот, меѓутоа тоа е фудбалот. Игравме против Баерн и тоа е нешто. Тие се еден од најдобрите тимови во светот. Ова беше наше прво финале, а 11-то за Баерн…Ќе работиме напорно, ќе се вратиме посилни за да го освоиме трофејот“, изјави Ал Келаифи.