„Во тимот имаме премногу црнци и муслимани“ – тренерот на ПСЖ во центарот на голем скандал!

Tренерот на Пари Сен Жермен, Кристоф Галтие е главна тема во француските медиуми.

Наводно, поранешниот директор на Ница, Жулијен Форние откри дел Галтие своевремено во тој клуб бил незадоволен затоа што имал премногу „црнци“ и муслимани.

„Во екипата имаме лоши момци меѓу кои се и црнци, а половина од нив во петок се во џамија. Не смееме да имаме толку црнци и муслимани. Овој тим не ми одговара“, наводно Галтие во една ситуација му кажал на Форние со напомена дека се има во својот мејл.

Но, во целата ситуација се поставуваат и неколку други прашања.

Зошто ова дури сега се појави во сериозните француски медиуми? Ако ПСЖ сака да го отпушти Галтие за тоа не му се потребни вакви обвиненија, самата рана елиминација во Лигата на шампионите е доволна причина.

Оваа ситуација на Галтие става сериозна етикета на расист што може да биде проблем за неговите ангажмани во иднина. Ница, Галтие ја напушти по само една сезона (2021/2022), а потоа доби повик од ПСЖ кој не можеше да го одбие.