Во продолжение на сезоната дресовите на Ливерпул нема да бидат исти во ЛШ и ПЛ

Liverpool's English midfielder Jordan Henderson (C) lifts the trophy after winning the 2019 FIFA Club World Cup Final football match between England's Liverpool and Brazil's Flamengo at the Khalifa International Stadium in the Qatari capital Doha on December 21, 2019. (Photo by Giuseppe CACACE / AFP) (Photo by GIUSEPPE CACACE/AFP via Getty Images)

Ливерпул минатиот викенд стана светски клупски првак за прв пат во својата историја победувајќи го Фламенго со 1:0.

На овој начин „Црвените“ ќе го „владeат“ светот наредните 12 месеци и ќе бидат единствениот клуб што ќе има право на дресот да го стави логото наменето за светскиот шампион.

Сепак, ова нема да биде случај кога станува збор за Премиер лигата. Причината е многу едноставна. Според правилата на натпреварањето не е дозволено да се менува или модифицира дресот со кој е започната сезоната.

Така, Ливерпул ќе мора да ја почека следната сезона за да го носи логото на нивниот дрес, освен ако не добие дополнително одобрување од Англиската фудбалска федерација.

Кога станува збор за меѓународни натпревари, „Црвените“ ќе можат да стават беџ на својот дрес без да прекршат никакви правила, па така дресовите во Лигата на шампионите на Ливерпул ќе бидат малку поразлични отколку во Премиер лигата.