„Волчицата“ добива ТОП засилување од Премиер лигата?

Договорот со играчот веќе е постигнат, останува потешкиот дел од работата.

Италијанските медиуми пишуваат дека Рома на големо работи на тоа да го доведе Ријад Марез во својот табор.

Според информациите на „Медијасет Премиум“, Рома веќе се договорила со Алжирецот, останува уште Италијанците да пронајдат заеднички јазик со Лестер.

„Лисиците“ очекуваат 50 милиони за нивниот најкреативен играч, но таа сума за италијанскиот клуб е преголема. Мончи се обидува да ја намали цената, а почетната понуда од 30 милиони евра најверојатно ќе биде одбиена.

Да потсетиме, во сезоната 2015/2016 во која Лестер сенцационално стигна до титулата во Премиер лигата, Ријад Марез беше избран за најдобар фудбалер во англиската Премиер лига.