Дома Македонски спорт Мак ракомет Возбудувања и црвени картони – Вардар поразен од Киелце (видео)

Возбудувања и црвени картони – Вардар поразен од Киелце (видео)

Македонскиот шампион го доживеа првиот пораз оваа сезона во Лигата на шампиони на гостувањето кај Киелце со резултат 31:27.

Продолжи лошата традиција за Вардар на гостувањата против Киелце. Полскиот тим имаше предност од самиот старт, иако на моменти „црвено-црните“ имаа напад и за израмнување.

Натпреварот започна лошо за Вардар откако во 14-та минута Борозан заработи директен црвен картон. Потоа Киелце направи четири разлика, но „црвено-црните“ заиграа добро и на полувреме заминаа со еден гол негатива 16:15.

На почетокот на второто полувреме домаќинот направи разлика од четири гола која ја одржуваше до крајот на мечот благодарение на фантастичниот Лука Циндриќ. Исклучен беше и поранешниот играч на Вардар Душебаев поради неспортски потег над Шишкарев.

Најдобар кај победникот беше Лука Циндриќ со осум гола, додека Јурецки заврши со шест, а кај Вардар, Скубе и Дибиров дадоа по шест гола.

Коментари
Прочитајте поврзани статии
Load More In Мак ракомет

Проверете

Шест јунски меча за одбојкарите во битката за ЕвроВолеј 2028

Македонија ќе одигра три турнири во Европската лига 2027, а последниот ќе биде на домашен …