Виљареал сака да го задржи Бака, но бара попуст!

Карлос Бака оваа сезона настапува во Виљареал како позајмен фудбалер од Милан, но неговата иднина е под знак прашалник.

Имено, „жолтата подморница“ за позајмицата плати 2 милиони евра, а на лето ќе има можност да го откупи неговиот договор за додатни 18 милиони евра.

Иако, Бака оваа сезона игра солидно и до сега има постигнато 15 гола во сите натпреварувања, шпанските медиуми тврдат дека Виљареал не е спремен да ја плати сумата за негов откуп.

Имено, шпанскиот клуб ќе бара „попуст“ од Милан и е спремен да плати максимум 12 милиони евра за да го задржи Колумбиецот.

Јасно е дека за Бака повеќе нема место на „Сан Сиро“, а со оглед на фактот што наскоро ќе наполни 32 години, „росонерите“ се спремни да го продадат за таа сума.