(ВИДЕО) Меси го постигна најбрзиот гол во кариерата: Сега му треба уште еден за да ја „заврши играта“

Аргентинецот Лионел Меси синоќа на стадионот во Пекинг го постигна најбрзиот гол во кариерата.

Меси во дресот на Аргентина ја затресе противничката мрежа за 79 секунди на пријателскиот натпревар со Австралија.

Новиот играч на Интер Мајами и светски шампион на Светското првенство во Катар постигна мајсторски гол со левата нога од работ на шеснаесетникот.

Интересно е што Лео Меси постигнал гол во секоја минута од натпреварот освен во воведните 60 секунди, додека најмногу голови постигна во 87. минута (дури 16).

„Меси ни даде се како фудбалер, задоволство е да се види како игра. Тој е на друго ниво“, изјави по натпреварот Емилијано Мартинез, голманот на Аргентина.

На крајот „Гаучосите“ го добија натпреварот со 2:0, а вториот гол за победничката екипа го постигна Џерман Пецеља од Бетис.

Messi scored the fastest goal of his career today after just one minute and 19 seconds 🤯

(via @CBSSportsGolazo)pic.twitter.com/ATFvcEBKRz

— Bleacher Report (@BleacherReport) June 15, 2023