Видео: Без конкуренција! – Марко Марин го изведе најглупавото симулирање во сезоната!

Сигурно многумина од вас се уште добро се сеќаваат на Марко Марин, поранешниот репрезентативец на Германија.

Токму тој Марко Марин сигурно е главен кандидат за најглупавото симулирање во сезоната. Симулираше удар од – судијата!

Марин настапува за Олимпијакос кој во последниот натпревар беше поразен од Аполон со резултат 1:0, а во судиското продолжение фудбалерите на најтрофејниот грчки клуб бараа пенал.

Сите играчи на Олимпијакос се собраа околу главниот судија, а потоа се појави Марко Марин кој направи потег кој на никого не му е јасен, но барем сигурно добро ќе ве насмее.

Судијата со рацете се бранеше од фудбалерите, а таа ситуација ја искористи Марин кој како покосен падна на тревникот.

Навистина не е јасно што Марин мислеше во таа ситуација и што сакаше да постигне? Можеби судијата да се исклучи самиот себе…