Вечерва се наградуваат најдобрите во македонската кошарка

Македонската кошаркарска федерација ја продолжува традицијата и оваа календарска година ќе ги награди најдобрите во кошаркарскиот спорт.

На свеченоста која ќе биде вечерва (19.30 часот), во хотелот „Лимак“ во Скопје, најуспешните во оваа 2021 година ќе ги добијат заслужените признанија.

Освен тоа, федерацијата подготви посебни плакети и за големиот број на соработници кои беа од голема помош во реализацијата на плановите во оваа календарска година.

Свое место на церемонијата ќе си најде и славната генерација од Европското пренство во Литванија – 2011 година.

Ќе бидат прогласени вкупно 17. добитници на годинешните награди

-најдобар кошаркар

-најдобра кошаркарка

-најдобар млад кошаркар

-најдобра млада кошаркарка

-најдобра машка екипа (сениори)

-најдобра женска екипа (сениорки)

-најдобра машка екипа (младински лиги)

-најдобра женска екипа (младински лиги)

-најдобар тренер на машка екипа (сениори)

-најдобар тренер на женска екипа (сениорки)

-најдобар тренер на машка екипа (младински лиги)

-најдобар тренер на женска екипа (младински лиги)

-најдобар играч во 3 на 3

-најдобра екипа во 3 на 3

– најдобар кошаркарски судија

-најдобар македонски репрезент во странство

-најдобра младинска репрезентативна селекција