Венгер повторно ги ЛУТИ фановите – Замената за Озил пристигнува од Турција?

Ова нема да им се допадне на навивачите на клубот од „Емирати“.

Германецот Месут Озил е на чекор од заминување од редовите на „топџиите“. Договорот на Озил истекува на крајот од сезоната, преговорите за нов договор сеуште не се започнати и би требало да се случи чудо за репрезентативецот на Германија и наредната сезона да го носи дресот на Арсенал.

Прашање на време е само кога ќе го напушти тимот, дали во јануари или на лето, а Арсенал веќе е во потрага по негова замена.

Венгер не би бил Венгер доколку како замена за Озил доведе некое скапо засилување, тој како и секогаш има свое решение.

Имено, како што пренесуваат одредени медиуми во Англија на радарот на Арсенал се најде фудбалер кој дел од младинската кариера помина во редовите на клубот од северен Лондон, репрезентативецот на Турција, Огужан Озјакуп.

Озјакуп беше дел од академијата на „топџиите“, но во 2012 година беше продаден на Бешикташ за сума од 400.000 фунти.