Венгер искрен: Сакам Ливерпул да падне и јас да го зачувам рекордот

Легендарниот менаџер на Арсенал, Арсен Венгер беше искрен и призна дека навива против Ливерпул до крајот на сезоната, а има добра причина за тоа.

Ливерпул игра фантастично оваа сезона и има големи шанси да го повтори успехот на Арсенал од сезоната 2003/04 кога момците на Венгер завршија без пораз во Премиер лигата.

Поради тоа Венгер беше искрен и јавно потврди дека не сака Ливерпул да ја сруши неговата серија.

„Можно е Ливерпул да ја заврши сезоната без пораз. Тоа е нешто кое јас не го посакувам, затоа што кога нешто посебно ќе направите, сакате да останете единствени во тоа. Сепак, Ливерпул е на добар пат да остане непоразен, а ќе можам само да им честитам, рекордите се тука за да бидат срушени“, истакна Венгер.