Венгер добил понуда која би го направила најплатен тренер во светот!

Искусниот Арсен Венгер неодамна потврди дека на крајот на оваа сезона после 22 години го напушта Арсенал.

Венгер во клубот од Лондон пристигна далечната 1996 година, а во разговор со управата на клубот било одлучено после 22 години да ги напушти „топчиите“. Францускиот стручњак тоа го потврди со соопштението до јавноста пред неколку дена, но порача дека ќе ја продолжи својата тренерска кариера.

Англиските медиуми пишуваат дека Венгер веќе има неколку понуди од Франција и Англија, но и од Кина.

Наводно, еден од кинеските клубови го контактирал Венгер и му понудил годишна плата од неверојатни 24 милиони фунти! Доколку францускиот стручњак се одлучи да ја прифати оваа понуда би станал најплатен тренер во светот.

Во овој момент на првото место е Италијанецот Марчело Липи кој е селектор на Кина.

Сепак, многумина веруваат дека и покрај ваквата понуда Венгер ќе остане во Европа.