Венгер ги моли навивачите: Немојте да ме мразите!

Францускиот стратег Арсен Венгер повеќе од две децении е на кормилото на Арсенал, меѓутоа во последно време не остварува добри резултати со „топџиите“.

И покрај големиот притисок од јавноста и навивачите Венгер нема намера да го напушти кормилото пред 2019 година кога му истекува договорот.

„Не ме мразат тие мене како личност туку како менаџер кој не им носи резултати. Тоа е голема разлика, но не сакам да ме мразат. Не сум среќен кога губиме натпревари, секогаш сакам да победувам со стил и многу сум амбициозен“, изјави Венгер.

„Кога не ни оди добро јас патам како и сите навивачи на Арсенал. Овој клуб го сочинуваат 30 милиони луѓе и не пати само една личност. Единствено што сакам е тие 30 милиони луѓе да ги направам среќни“, додаде Французинот.