Вардар го декласира Пелистер и се пласира во финалето од Купот

Без никакви проблеми, рутински, РК Вардар го победи Пелистер во полуфиналето од ракометниот куп на Македонија. Откако ги освоија титулите во СЕХА и домашното првенство, Вардар сега ита кон нова титула во Купот на Македонија.

Воопшто не беше доведено нивното финале под знак прашалник, Пелистер настрада со резултат 46:27

Победата на РК Вардар се надѕираше уште на полувреме кога „црвено-црните“ имаа предност од 20:12, а до крајот на мечот тренерот Гонзалес им даде шанса на сите ракометари, кои дополнително ја поправија гол разликата.

Сега во финале, Вардар го чека својот ривал, од дуелот помеѓу Еурофарм од Битола и Металург, кој се игра вечерва од 19 часот со директен пренос на Телма