Варан после „Ел Класико“ објави вознемирувачка фотографија од неговото колено (ФОТО)

Рафаел Варан ќе има „успомени“ од натпреварот против Барселона во шпанскиот куп.

Дека фудбалскиот дуел на најголемите ривали во Шпанија е нешто повеќе од натпревар и дека често преминува во вистинска „војна“, сведочи фотографијата која на својот профил ја објави Рафаел Варан.

„Ел Класико“ натпреварот помеѓу Реал Мадрид и Барселона имаше нова епизода во реваншот од полуфиналето на Копа Дел Реј каде што Каталонците во натпревар во кој ги искористија своите шанси славеа победа со 3:0 и така со вкупни 4:1 обезбедија финале.

На играчите на Реал не им беше лесно во дуелите со Меси и екипата. Модриќ се најде на столбот на срамот после еден неспортски потег да го запре Аргентинецот со влечењето за дрес, а фотографите сето тоа го забележаа.

Но, болни успомени од „Класико“ ќе има и Варан кој водеше жестоки дуели со напаѓачите на Барселона. Тој објави и како изгледа неговата нога после дуелите со Меси, Суарез и останатите напаѓачи на Барселона.

Варан освен повредата на ногата си постигна и автогол, па така може да се каже дека вчера имаше ноќ за заборав.

https://www.youtube.com/watch?v=Pi_-Ci1iNvg

Сепак, Французите и неговите соиграчи ќе имаат прилика за реванш за неколку дена кога на програмата е „Ел Класико“ во првенството. Реал Мадрид и Барселона повторно ќе играат веќе во сабота во Мадрид со почеток од 20:45 часот.