Ван Перси му се враќа на фудбалот, познато и во кој клуб!

Легендарниот напаѓач Робин Ван Перси ќе се врати и по трет пат во редовите на Феенорд, за разлика од првите два пати кога беше играч сега ќе биде помошник на Дик Адвокат.

Ван Перси во Феенорд се врати во 2018 година пред да ја заврши кариерата и на 37 натпревари постигна 21 гол, а сега за првпат ќе биде во клубот како тренер.

„Уште минатата година Дик ме викаше во клубот, но тогаш не бев во можност да одговорам. Сега мислам дека е вистинско време и не моѓев да одбијам, е видиме како се ќе се одвива. Засега не знам каква ќе биде мојата тренерска улога, меѓутоа веројатно нема да бидам тренер на напаѓачите“, изјави Ван Перси.

Најдобрите денови од кариерата Ван Перси ги помина во Премиер лигата прво во редовите на Арсенал, а потоа во Манчестер Јунајтед.