Валверде: Меси е натчовек!

Тренерот на Барселона, Ернесто Валверде на свој начин го изрази воситувањето кон својот најдобар фудбалер Лионел Меси после победата над Виљареал.

Меси синоќа постигна еден гол и се израмни со Герд Милер по бројот на голови за еден клуб, постигнати во водечките европски првенства.

„Тоа што го прави Меси е нечовечно. Наскоро ќе подобри уште многу рекорди и тоа не треба да го изненадува никого“, истакна Валверде.

„Натпреварот со Виљареал беше доста тежок. Ни создадоа многу проблеми, особено беа опасни од контранапади. Важно е дека победивме бидејќи и директните конкуренти запишаа победи ова коло“, заклучи тренерот на Каталонците.