Буфон го откри својот фаворит за освојување на Светското првенство во Русија

Италија во првиот натпревар по испаѓањето од квалификациите за Светското првенство против Шведска повторно загуби, во пријателскиот натпревар одигран во Манчестер подобра беше Аргенгина со 2:0.

Новиот пораз на Италијанците го коментираше легендарниот Буфон кој во тој натпревар се врати на голот, иако репрезентативната пензија веќе беше најавена.

„Можеше да заврши 0:0 или 1:1 или 2:2, но Аргентинците успешно ги реализираа своите шанси, а ние не. Италија е во фаза на реконструкција на екипата по испаѓањето во плеј-офот. Тоа е невообичаен момент во историјата, но и во друга ера и Италија и Аргентина би биле земји кои би можеле да играат полуфинале или пак финале на Светското првенство“, изјави голманот на Јуве и го откри својот фаворит за освојување на Светското првенство:

„Аргентина е дефинитивно меѓу главните фаворити, блиску се и Бразил, Германија и Шпанија. Па погледнете само каков потенијал имаат во нападот, а тука се и неколку добри дефанзивци“.