Бруно Фернандеш ја одведе Португалија во осминафиналето

Фудбалерите на Португалија го совладаа Уругвај со 2:0 (0:0) во натпреварот од 2.коло од групата „Х“ на Мундијалот и со тоа се пласираа во осминафиналето на Мундијалот.

Уругвај со големи очекувања дојде во Доха, а се потрпе на искуството на Луис Суарез, Единсон Кавани и Диего Годин кои тука го играат веројатно „последниот танц“.

Засега тешко им оди… По многу слабите 0:0 против Јужна Кореја, Уругвај не дојде до позитивен резултат против Португалија, па сега ќе мора да бркаат триумф против Гана која покажа дека е опасна селекција.

Уругвај имаше свои шанси на овој натпревар, но не ги искористи, па мораа да се помират со поразот. Во групата Португалија е сигурна со шест бода, Гана има три, а по еден Јужна Кореја и Уругвај.

Portugal’s second goal by Bruno Fernandes 2-0 ⚽⚽#PORURU
pic.twitter.com/xBiP0lL30n

— SHA3WAZA (@SHA3WAZA_3) November 28, 2022