Брегалница во финишот испушти победа против Графичар на Бошко Ѓуровски 🎥

Новиот прволигаш тимот на Брегалница вчера во последните минути испушти победа против тимот на Графичар од Србија.

Во пријателскиот натпревар одигран на Златибор штипнскиот тим ремизираше 2:2. Tреба да се спомене дека Графичар од клупата го предводи Бошко Ѓуровски.

Резултатот беше отворен во 37. минута кога Мартин Стојанов одлично шутираше од околу 20 метри.

Преостанатите три гола „паднаа“ во последните десетина минути. Прво Графичар изедначи во 81. минута, а потоа Јован Манев донесе ново водство за штипјани. Сепак во 88. минута српскиот тим дојде до 2:2.

Следниот натпревар Брегалница ќе го одигра на 17. јули против тимот на Искра Даниловград.

Фото: ФК Брегалница