Борусија Дортмунд го купува бекот на Милан

Неколку клуба ова лето покажале сериозен интерес за левиот бек на Милан, Рикардо Родригез, но Швајцарецот сепак избра да остане на „Сан Сиро“.

Меѓутоа, Родригез во последно време го загуби местото во стартниот тим од Тео Хернандез и на последните неколку меча се најде на клупата за резерви.

Поради тоа неговиот став сега е променет, па и самиот е спремен да ја промени средината во јануари.

Ситуацијата околу Швајцарецот будно ја следи Борусија Дортмунд, која сака да го врати играчот во Бундеслигата.

Наводно „милионерите“ се спремни да испратат понуда од 18 милиони евра за потписот на Родригез. „Росонерите“ имаат проблеми со Финансискиот фер-плеј, па се спремни да ја прифатат понудата.