Дома Фудбал „Бомба“ од Апенините: Венгер го презема кормилото на Милан

„Бомба“ од Апенините: Венгер го презема кормилото на Милан

Италијанските медиуми пренесуваат дека сериозно е разнишана позицијата на тренерот Џенаро Гатузо во Милан и дека наскоро може да има тренерска смена на „Сан Сиро“.

Раководството на „росонерите“ не е задоволно од начинот на кој Милан играше во градското дерби, но и генерално од освоените бодови во досегашниот дел од шампионатот.

После синоќешниот пораз од Бетис само се засилија шпекулациите за отказот, а медиумите веќе шпекулираат со тренерските имиња.

Покрај Донадони и Конте кои се спомнуваа минатите денови, најново име кое се поврзува со клупата на „Сан Сиро“ е Арсен Венгер.

Венгер во моментов е без ангажман после заминувањето од Арсенал, а познато е дека во Милан доаѓа генералниот директор на „топџиите“ Иван Газидис.

Италијанските медиуми пренесуваат дека Газидис е во исклучително добри односи со Венгер и би можел да влијае на неговото преземање на кормилото на Милан.

Гатузо моментално има ултиматум од раководството и мора да победи на следните два меча против Сампдорија и Џенова во Серија А.

Коментари
Прочитајте поврзани статии
Load More In Фудбал

Проверете

Халанд го презеде врвот, Бруно падна дури на 11. место во изборот на „Скај спортс“

Новинарите на „Скај спортс“ ја обновија листата на 25 најдобри играчи во Премиер лигата. Х…