Бобан: Идејата за Мундијал на секои две години е полоша дури и од Суперлигата

Легендата на Милан, кој моментално работи како директор во УЕФА, Звонимир Бобан остро ја критикуваше идејата Светското првенство да се игра на секои две години.

Оваа идеја ја залагаат претседателот на ФИФА, Џани Инфантино и Арсен Венгер, а Бобан вели дека таа идеја е полоша дури и од Суперлигата.

„Јас сум за иновациите кои го подобруваат фудбалот, но не треба да инсистираме на секакви промени. Таа идеја на Инфантино и Венгер за Мундијал на секои две години е апсурдна, по-лоша дури и од таа за Суперлигата“, изјави Бобан.

„Тоа би било погубно за играчите. Проект кој никој нема да го респектира. УЕФА никогаш не би предложила Европско првенство на секои две години, дури и тоа да значи многу поголем профит. Фудбалот не е на Инфантино и Венгер, не е ниту мој, фудбалот е на сите кои го сакаат“, додаде Бобан.

⚽ UEFA chief of football Zvonimir Boban says a biennial World Cup would be "even worse than the Super League".

Full story: ⬇️

— UEFA (@UEFA) October 9, 2021