Биелса: Само бараат начин да ме исмејуваат

Начинот на кој игра Лидс се најде на удар на критичарите после високиот пораз од Манчестер Јунајтед.

Биелса денеска ги обвини британските медиуми дека се обидуваат да го дестабилизираат неговиот тим со критиките за начинот на игра.

„Тоа е само начин да ме исмејуваат.“ – изјави искусниот аргентински стручњак на прес-конференцијата пред натпреварот со Барнли.

„Не обрнувам внимание што пишуваат медиумите. Она што ме загрижува е дека она што го пишуваат влијае на луѓето. Можат да ги дестабилизираат играчите.“ – додаде Биелса.

После 14 одиграни кола Лидс е на 14. место со 17 освоени бода.