Беше „закован“ на клупата, сега заигра за Милан и доби критики од Гатузо

Конечно и Ален Халиловиќ ги дочека своите „пет минути“ во во Милано откако ова лето пристигна во клубот.

Халиловиќ во вчерашниот натпревар против Дуделаж од Луксмебург за прв пат доби прилика да биде стартер.

„Росонерите“ славеа со убедливи 5:2, но не беше така лесно за гигантот од Милано затоа што во второто полувреме имаа негатива од 2:1.

Сепак, Халиловиќ баш и не го импресионираше Гатузо.

„Лесен натпревар нема. Дунделаж знаеше да ја држи топката, знаев дека ќе се мачиме. Некои играчи како Халиловиќ, премногу ја задржуваа топката“.

Потоа го прокоментира и настапот на Игуаин.

„Мислам дека имаше болки во грбот. Не ми кажа ништо, но имав такво чуство. Тој живее за голови и игра за голови“, заврши Гатузо.