Бербатов: Што бараа Роналдо и Меси во финалето?

Роберт Левандовски ја освои наградата од ФИФА за играч на годината за 2020 пред Кристиано Роналдо и Лионел Меси.

Полскиот голгетер победи во изборот на селекторите, капитените и по еден новинар од секоја земја. Прославениот бугарски напаѓач, Димитар Бербаотов не разбира зошто Меси и Роналдо беа во финалето.

„Изненаден сум што двајцата беа финалисти. Не разбирам зошто се тука. За жал во фудбалот има многу работи зад сцената, каде што се и агентите. Не гледаме многу работи што се случуваат за камерите“, порача Бербатов.

Кога е победникот во прашање за Бербатов Левандовски е заслужен победник.

„Како и секогаш, секогаш има дебати кој е најдобар, но оваа година тоа не е важно затоа што Лева заслужено победи“, заврши славниот голгетер.