Бербатов удри по федерацијата: Неспособни луѓе го водат нашиот фудбал!

Легендата на бугарскиот фудбал, Димитар Бербатов отворено повика на промени во фудбалскиот сојуз на неговата земја.

Екс-напаѓачот на Манчестер Јунајтед, Тотенехм и Монако е еден од кандидатите за претседател на Фудбалскиот сојуз на Бугарија, а сега побара промени откако Бугарија беше поразена од Литваниај со 2:0 во квалификациите за ЕП 2024.

„Работам две години за доброто на бугарскиот фудбал и се обидуваме да го отстраниме ова зло што го зафати нашиот удбал, неспособни луѓе владеат со фудбалот во нашата земја. Сите заедно обединети, не не заборови туку на дела мораме да направиме нешто овие луѓе да си заминат“, порача Бербатов.

Бугарија во група Г од квалификациите е последна со само два бода од шест натпревари, по бод освои во средбите со Литванија и Србија.